MAGİYA ictimai birliyi 25 aprel 2013-cü il tarixində Lənkəran şəhərindəki ofisində “Azərbaycanda demokratik təşəbbüslərə dəstək” layihəsi çərçivəsində 21 nəfər gənc üçün yarım günlük təlim kursu təşkil etmişdir. “QHT-lərin institusional inkişafı” adlı təlim kursunda Azərbaycan Gənclər İttifaqının eksperti cənab Samir Əhmədov da iştirak etmişdir. Təlim kursunda heyətlə iştirakçılar arasında QHT idarəçiliyi ilə əlaqədar bir çox mövzular – “QHT-lər və effektiv idarəetmə, təsis sənədləri, İctimai birliklər və fondlar haqqında qanun, Liderlik və menecment” müzakirə olunmuşdur. Təlim ərzində heyət müxtəlif rol oyunları, interaktiv qrup işləri, debatlar, simulyasiyalar, fokus qrup müzakirələri və təqdimatlar kimi bir çox təlim metodlarından geniş istifadə etmiş və bütün sessiya ərzində mövzularla bağlı bir-çox sosial çarxlar izlənilmişdir. Tədbir zamanı bəzi iştirakçılar layihə barədə müvafiq suallar vermiş və tədbirin sonunda qeyd etmişlər ki, gələcəkdə də, region gəncləri üçün bu cür maraqlı və faydalı layihələrin həyata keçirilməsi çox yaxşı olardı.