2013-11-04

MAGİYA ictimai birliyi 02-04 noyabr tarixlərində Lənkəran şəhərində AB Qala otelində Azərbaycanın 13 müxtəlif regionundan (Ağdam, Astara, Bakı, Bərdə, Biləsuvar, Cəlilabad, Göygöl, Qəbələ, Lənkəran, Masallı, Neftçala, Sumqayıt və Yevlax) olan 20 nəfər gənc üçün ABŞ-ın Azərbaycan Respublikasındakı Səfirliyinin maliyyə dəstəyi ilə “Region gəncləri üçün liderlik məktəbi” mövzusunda ikinci 3 günlük təlim kursunu təşkil etmişdir. Təlim kursunda 10 nəfər oğlan və 10 nəfər qız iştirak etmişdir. Təlim kursunda təşkilatın heyətindən başqa Lənkəran şəhər Gənclər və İdman İdarəsinin rəis müavini cənab Nazim Vəliyev və Lənkəran Şəhər İcra Hakimiyyətinin İctimai-siyasi və humanitar məsələlər şöbəsinin Baş məsləhətçisi cənab Yusif Xaniyev də iştirak etmişdir. Təlim kursunda heyətlə iştirakçılar arasında liderlik bacarıqları ilə əlaqədar bir çox mövzular – “Ünsiyyət (kommunikasiya) sessiyası: Ünsiyyət necə işləyir, Aktiv dinləmə və cavab vermə bacarıqları, Başqa nəzər nöqtələrə baxmaq bacarıqları, Düşüncə və Ön görmələrin idarə olunması, Güclü tərəflərin müəyyən olunması, Sizi başqaları necə görür, Bədən dilinə baxış, Mimikalar və jestlər, Özünə inamın artırılması, Çətin insanlar və çətin situasiyalar, Konfliktlərin həlli, İcma ilə nəsillərarası ünsiyyət; Könüllülük və könüllülük işinin təşkili sessiyası: Könüllü kimdir? Nə üçün insanlar könüllü olmalıdırlar? Rolun və yanaşmanın müəyyən olunması, Könüllülüyün dəyərləri və faydaları, Beynəlxalq Könüllülük İnstitutları, Tanınmış Azərbaycanlı və əcnəbi könüllülər; Liderlik və menecment sessiyası: Şəxsiyyətin müəyyən edilməsi/Özünü tanıma, Sən kimsən? Biz kimik? Aktiv vətəndaş kimdir? Nə üçün ictimai-fəal olmaq lazımdır? Liderliyin növləri, Liderlər doğulur və ya yetişir?, Liderlərin cəmiyyətdə rolu və yeri, Hamı lider ola bilərmi? Liderlik və menecement, Icma liderliyi, liderlik üslubları, Məntiqi yanaşma, Həvəsləndirmə, Motivasiya/ Ədalətlilik Nəzəriyyəsi; Vətəndaş cəmiyyətinin formalaşmasında və sülh quruculuğunda gənclərin rolu sessiyası: Gənc kimdir? Gənc və gənclik – yerli və beynəlxalq təcrübə kontekstində, Gənclər siyasəti haqqında Azərbaycan Respublikasının qanunu, Vətəndaş cəmiyyətinin formalaşmasında gənclərin yeri, Sülh quruculuğunda gənclərin rolu, Gənclərin ictimai-siyasi fəaliyyətdə yeri və rolu, Gənclər və inkişaf modelləri” müzakirə olunmuşdur. Təlimin keçirilməsi zamanı heyət interaktiv qrup müzakirələri, debatlar, simulyasiyalar, təqdimatlar, fokus qrup müzakirələri, rol oyunları kimi bir çox təlim metodlarından geniş istifadə etmiş, eləcə də, bütün sessiya ərzində mövzularla bağlı bir-çox sosial çarxlara baxılmışdır. Təşkilatçılar həmçinin iştirakçılarla layihənin gələcək fəaliyyətlərini, xüsusilə də, Lənkəranda növbəti təlim kurslarının təşkilini müzakirə etmişlər. Təlim kursunun sonunda iştirakçılar və təşkilatçılar layihə ilə bağlı öz fikirlərini bildirmiş, qonaqlara və donora – ABŞ-ın Azərbaycan Respublikasındakı Səfirliyinə region gəncləri üçün belə bir layihənin reallaşdırılmasını təmin etdiyi üçün minnətdarlıq etmişlər.